Nascença d’a Suçieta̍* Spurtiva de Mu̍negu

Afilia̍ cun u nü̍meru 91, l’AS Mu̍negu e̍ l’ün d’i ciü̍ veyi clüb d’a Federaçiu̍n Françesa de Futbo̍l (bala a u pen).

A l’iniçi d’u XXe̍simu se̍culu a bala a u pen e̍ aparia ünt’u Principatu, ma e̍ stau dopu a fin d’a Prima Gherra Mundiala (1914-1918) ch’e̍ nasciüa l’AS Mu̍negu. De fati, gia̍ ün 1903 era stau creau u primu clüb de bala a u pen, l’Herculis Monaco, che va̍ a partiçipa̍ â prima ediçiu̍n d’a Cupa de França ün 1917. Chëlu primu clüb sto̍ricu d’a Roca s’e̍ funzüu dui ani dopu cun d’a̍utre curpuraçiue spurtive d’u Principatu e tambe̍n de Beausoleil (França) per da̍ l’AS Mu̍negu.

1919-1924 • Nascença de l’AS Mu̍negu

Per aiço̍ d’aiçi̍, u primu d’austu d’u 1919 e̍ dunca nasciüa l’AS Mu̍negu Futbo̍l, afilia̍ â FFF cun u nü̍meru 91. Çinq’ani dopu e̍ sta̍ crea̍ a suçieta̍ unispo̍rt, a Suçieta̍* Spurtiva de Mu̍negu â qala, uramai, sun ligai i giüga̍iri de bala a u pen. Ecu perche̍ a data d’u 23 d’austu d’u 1924 e̍ sta̍ çernüa cuma giurnu d’a creaçiu̍n de l’AS Mu̍negu e ümperaiço̍, u çentenari d’u nostru Clüb sera̍ festezau u 23 d’austu d’u 2024.

* Suçieta̍ = Assuçiaçiu̍n