Ani 60, i primi ti̍tuli
A diagunala porta-furtüna
A stagiu̍n 1960-1961, l’AS Mu̍negu a̍ inaugürau a so’ mi̍tica mayëta cun a diagunala, prupusa̍ da a Principessa Grace e sü̍bitu aduta̍ da tüti. Dürante a stëssa stagiu̍n u clüb a̍ vintu u so primu ti̍tulu de Campiu̍n de França. Sempre ün 1961, l’AS Mu̍negu a̍ gagnau tambe̍n a Cupa Drago che mancava, ancura, a u so palmare̍s. Pœi a̍ partiçipau a turnei ünternaçiunali ün cumpagnia d’ë ciü̍ bele sqadre europeane. Uramai, u mundu üntregu cunusce e recunusce l’AS Mu̍negu.
L’Europa e a Gambardela
Ün 1961-1962, l’AS Mu̍negu a̍ sperimentau per a prima vota u giœgu europea̍n ün Cupa d’Europa d’i Clüb Campiui. Contra i Glasgow Rangers, i Russi e Gianchi a̍n persu due vote, ma cun prun de me̍ritu, 3-2. Ün’achëla maladëta stagiu̍n, i prufessiunali a̍n ren gagnau. Ma i zu̍veni munegaschi a̍n azuntau üna cupa a u palmare̍s de l’AS Mu̍negu. De fati, u Clüb a̍ vintu a Cupa Gambardela cun a vito̍ria ün finala (2-1) contra u FC Metz.
U dugëtu sto̍ricu
1962-1963 sta̍ ancura a stagiu̍n de referença. L’AS Mu̍negu a̍ realisau ün achëst’ucasiu̍n u primu e, per u mumentu, l’ü̍nicu dugëtu d’a so’ sto̍ria. Ne sta̍n sempre ün mente i numi d’i giüga̍iri : Artélésa, Biancheri, Carlier, Casolari, Cossou, Courtin, Djibrill, Douis, Forcherio, Hernandez, Hess, Hidalgo, Taberner, Théo e Thomas, sença ublia̍ Girod, Péretti e Sottimano, tüt’achësta bela sqadra era ghida̍ da u famusu Lucien Leduc. Per de ciü̍ a sqadra a̍ gagnau tambe̍n u trufeu Teresa-Herrera, l’ün d’i ciü̍ beli turnei d’u mundu e a̍ vintu contra i Bresiliai de Vasco de Gama ün finala. Per disgra̍çia, â fin d’a stagiu̍n, se ne sun andai via l’üntrenau̍, u Presidente e carche giüga̍ire-cadru.
Lündema̍n difi̍cili
A stagiu̍n seghenta, per u so returnu ün C1, margradu tütu aiço̍ d’aiçi̍, l’AS Mu̍negu a̍ riesciüu ün veru belu cou gagnandu 7-2 contra l’AEK Athènes. E̍ a prima vito̍ria de l’AS Mu̍negu ünt’üna cumpetiçiu̍n europeana. Qalificai per i utavi de finala dopu ün e̍situ nülu 1-1 â rescontra returnu, i Russi e Gianchi a̍n persu contra l’Inter Milan, fütüru vincitu̍ d’a prova. Gude̍nduse d’üna bela fama ünternaçiunala, l’AS Mu̍negu e̍ sta̍ ünvita̍ a partiçipa̍ a rescontre e turnei ünternaçiunali a u Bresi̍l, ün Germa̍nia, ün Ita̍lia, a u Me̍ssicu, ün Belgica o ancura ün Ulanda. Ma, margradu ün segundu postu ün 1963-1964, per longhi ani, a sqadra e̍ sta̍ sempre ünt’a segunda meta̍ d’i classificai e ün 1969, l’AS Mu̍negu a̍ retruvau a Segunda Divisiu̍n (D2) sez’ani dopu l’ave̍ lascia̍.
