1930-1960, De ciü̍ ün ciü̍ forti
Dopu d’ë prime prove difi̍cile a l’iniçi d’i ani 30, sü̍bitu dopu a Segunda Gherra Mundiala, a l’arba d’i ani çinqanta, l’AS Mu̍negu s’e̍ ümpusa̍ a i ciü̍ a̍uti niveli.
U trei de setembre d’u 1933, e̍ contra u viji̍n u Football Athlétique Club de Nice, che l’AS Mu̍negu a̍ gagnau a so’ prima rescontra prufessiunala ün Segunda Divisiu̍n (D2) (regiu̍n Süd). Ma, achest’e̍situ e̍ stau sfaçau perche̍ u Clüb niçardu s’e̍ desdiu dürante a stagiu̍n. E̍ cusci̍ ch’a prima vito̍ria ufiçiala a stu nivelu e̍ sta̍ contra u FC Lyon (5-1) carche semana dopu. Margradu ün principi cin de prumesse, l’AS Mu̍negu gh’a̍ prun de ma̍ a iesse prufessiunala. U clüb a̍ mancau per pocu a Prima Divisiu̍n (D1), ma u sœnu s’e̍ svaniu dopu u barrage d’açessiu̍n persu contra Saint Etienne (2-4). Pe̍giu ancura, cuma u clüb gh’avëva prublemi de sou, a̍ devüu turna giüga̍ a ün nivelu amatu̍. Tütu era da recumença̍, ümperaiço̍, e̍ sulu dopu qatorz’ani ch’ünfi̍n u clüb e̍ de nœvu deventau prufessiunale.
1939 • Inaugüraçiu̍n d’u primu Stadi Lui̍ IIndu
L’AS Mu̍negu a̍ cuntinüau sciü̍ base sode e a̍ gagnau tanti ti̍tuli regiunali, suvratütu dürante a stagiu̍n 1936-1937. Ünfi̍n, l’inaugüraçiu̍n ün 1939 d’u Stadi Lui̍ IIndu bastiu davanti a u portu de Funtana Veya gh’a̍ ufertu üna strütüra a l’autessa d’ë soe ambiçiue. Ma a Segunda Gherra Mundiala a̍ rutu achëstu bel’asbrivu. Dürante u cunflitu, u clüb e̍ stau ativu ünt’u Campiunatu de Pruvença che a̍ vintu ün 1941-1942 e e̍ riesciüu, a stëssa stagiu̍n, a se issa̍ fint’a i qarti de finala d’a Cupa de França.
1953 • Prima rescontra ün Prima Divisiu̍n (D1)
Sü̍bitu dopu a Gherra, per a stagiu̍n 1947-1948 l’AS Mu̍negu a̍ gagnau a Divisiu̍n d’Unu̍ Süd-Levante, sücessu che gh’a̍ permëssu de retruva̍ a Segunda Divisiu̍n (D2) e dunca u statütu prufessiunale. E cuma ün si̍mbulu, e̍ turna contra Lyon e cun u stëssu resültatu de 5-1 che a sqadra s’e̍ sciala̍ d’u so primu sücessu a stagiu̍n seghenta. Cun u sustegnu ündefeti̍bile d’u Pri̍ncipu Rainie̍ IIIçu, ch’era sucedüu a u So pa̍ire-gran u Pri̍ncipu Lui̍ IIndu, ün 1953 l’AS Mu̍negu a̍ razuntu, ünfi̍n, a Prima Divisiu̍n (D1). U 23 d’austu d’u stëssu anu, i Russi e Gianchi a̍n giügau e a̍n persu a so’ prima partia de balu̍n a stu nivelu contra u Toulouse FC.
Da i po̍dium fint’a Cupa de França
U primu po̍dium de Prima Divisiu̍n (D1) de l’AS Mu̍negu e̍ capitau â fin d’a stagiu̍n 1955-1956 e e̍ pairau dui ani dopu, ün 1957-1958. A stagiu̍n seghenta l’AS Mu̍negu a̍ cunusciüu ün belu scangiamentu cun ün nœvu üntrenau̍, Lucien Leduc. E̍ ëlu che a̍ propi permëssu a u clüb de cunusce u so primu gran sücessu, gagnandu a Cupa de França d’a stagiu̍n 1959-1960. Â fin d’üna finala cina de süspe̍ns (4-2 dopu ë prulungaçiue), l’AS Mu̍negu, vituriusa de l’AS Saint-Etienne, a̍ scritu a prima pa̍gina prestigiusa d’u so palmare̍s.
